မြန်မာနိုင်ငံရဲ့ မြေဧရိယာ အကျယ်အဝန်းကို တခြားနိုင်ငံများနဲ့ နှိုင်းယှဉ်ခြင်း (အံ့ဩလောက်စရာပါပဲ)

မြန်မာနိုင်ငံရဲ့ မြေဧရိယာ အကျယ်အဝန်းကို တခြားနိုင်ငံများနဲ့ နှိုင်းယှဉ်ခြင်း (အံ့ဩလောက်စရာပါပဲ)

နိုင်ငံသားတစ်ယောက်အနေနဲ့ သိထားသင့်တဲ့ အချက်အလက်တွေပါ။မြေအကျယ်အဝန်း ပိုင်ဆိုင်မှု အများဆုံးကနေ အနည်းဆုံး နိုင်
ငံတွေကို အထက်မှ အောက်ကို တန်းစီလိုက်မယ်ဆိုရင်(ဝ.၆၇၆ မီလီယံ ကီလိုမီတာ စကွဲ) ကျယ်ဝန်းတဲ့ မြန်မာနိုင်ငံက ကမ္ဘာပေါ်မှာ မြေအကျယ်ဆုံး အဆင့် (၄၀)မှာ ရှိပါတယ်။(၁၇ မီလီယံ ကီလိုမီတာစကွဲ) ရှိတဲ့ ရုရှားက ကမ္ဘာမှာ မြေအကျယ်ဆုံး နိုင်ငံ ဖြစ်တယ်။သူ့နောက်မှာတော့ ကနေဒါက (၉.၉ မီလီယံ ကီလိုမီတာစကွဲ)၊ တရု.တ်က (၉.၇ မီလီယံ ကီလိုမီတာ စကွဲ) နှင့်အမေရိကန်ပြည်ထောင်စုက (၉.၃ မီလီယံ ကီလိုမီတာ စကွဲ) နဲ့ အစဉ်အတိုင်း မတိမ်းမယိမ်း ကျယ်ဝန်းတယ်။

ဒီကိန်းဂဏန်းတွေကို လေ့လာရတာ စိတ်ဝင်စားဖို့ ကောင်းပြီး မထင်မှတ်တဲ့ အတွေးတွေကို ဖြစ်စေပါတယ်။အရှေ့တောင်အာရှ (၁၁)နိုင်ငံမှာ အကျယ်ဆုံးက အင်ဒိုးနီးရှား ဖြစ်တယ်။ (၁.၉ မီလီယံ ကီလိုမီတာ စကွဲ) ကျယ်ဝန်းတယ်။မြန်မာနိုင်ငံကတော့ အရှေ့တောင်အာရှမှာ ဒုတိယ အကျယ်ဝန်းဆုံးနိုင်ငံ ဖြစ်တယ်။မြန်မာဟာ ယူကရိန်း၊ ဆွီဒင်၊ ကင်ညာ၊ ပြင်သစ်၊ ထိုင်း နိုင်ငံတွေထက် ပိုမို ကျယ်ဝန်းတယ်။ပြီးတော့ မြန်မာနိုင်ငံက ဂျပန်၊ ဂျာမဏီ၊ ဖင်လန်၊ ဗီယက်နမ် ၊ နော်ဝေ၊ ပိုလန်၊ အီတလီ တို့ထက် (၂)ဆခန့် ပိုကျယ်တယ်။

ယူကေ၊ ယုဂန်ဒါ၊ ဂါနာ နိုင်ငံတွေက မြန်မာနိုင်ငံရဲ့ ငါးပုံ နှစ်ပုံခန့်သာ ကျယ်ဝန်းပါတယ်မြန်မာနိုင်ငံရဲ့ အကျယ်ဆုံး ရှမ်းပြည်နယ်ဟာ (ဝ.၁၅၅ မီလီယံ ကီလိုမီတာ စကွဲ) ကျယ်ဝန်းပါတယ်။ရှမ်းပြည်နယ်ဟာ ဘဂ်လားဒေ့ရှ်၊ နီပေါ၊ မြောက်ကိုရီးယား၊ ဂရိ၊ တောင်ကိုရီးယား၊ အင်္ဂလန် နိုင်ငံတွေထက် ပိုမို ကျယ်ဝန်းတယ်။မြန်မာနိုင်ငံရဲ့ ဒုတိယအကျယ်ဆုံးဖြစ်တဲ့ စစ်ကိုင်းတိုင်းဟာ (ဝ.၀၉၃ မီလီယံ ကီလိုမီတာ စကွဲ) ရှိပြီး ဟန်ဂေရီနှင့် ပေါ်တူဂီ နိုင်ငံတွေထက် အနည်းငယ် ပိုမို ကျယ်ဝန်းပါတယ်။မြန်မာနိုင်ငံရဲ့ တတိယ အကျယ်ဆုံး ကချင်ပြည်နယ်ကတော့ (ဝ.ဝ၈၉ မီလီယံ ကီလိုမီတာ စကွဲ ကျယ်ဝန်းပြီး ဂျော်ဒန် နိုင်ငံနှင့် အတူတူ နီးပါး ရှိပါတယ်။

ကချင်ပြည်နယ်ဟာ ပနားမား၊ အိုင်ယာလန်၊ ဂျော်ဂျီယာ၊ သီရိလင်္ကာ၊ လစ်သူရေးနီးယား၊ တိုဂို၊ ခရိုအေးရှား၊ ဆလိုဗေးကီးယား နိုင်ငံတွေထက် ပိုမို ကျယ်ဝန်းပါတယ်။မြန်မာနိုင်ငံရဲ့ စတုတ္ထနှင့် ပဉ္စမ အကျယ်ဆုံး ဖြစ်တဲ့ မကွေးတိုင်းနှင့် တနင်္သာရီတိုင်းကတော့ (ဝ.ဝ၄၄ မီလီယံ ကီလိုမီတာစကွဲ) ကျယ်ဝန်းပြီး ဒိန်းမတ်၊ နယ်သာလန်၊ ဆွစ်ဇာလန် နိုင်ငံတွေထက် အနည်းငယ် ပိုကျယ် ပါတယ်။မြန်မာနိုင်ငံရဲ့ ဆဌမ အကျယ်ဆုံး ပဲခူးတိုင်းကတော့ (ဝ.ဝ၃၉၄ မီလီယံ ကီလိုမီတာ စကွဲ) ကျယ်ဝန်းပြီး ဘူတန်၊ တိုင်ဝမ် နိုင်ငံတို့နှင့် အတူတူ နီးပါး ရှိပါတယ်။
မန္တလေးတိုင်း၊ ရခိုင်ပြည်နယ်၊ ချင်းပြည်နယ်၊ ဧရာဝတိုင်း၊ ကရင်ပြည်နယ်တို့က ဘယ်ဂျီယံ၊ အာမေးနီးယား၊ အစ္စရေး၊ ဆလိုဘေးနီးယား၊ ကူဝိတ်၊ မွန်တီနီဂရိုး နိုင်ငံများထက် ပိုမို ကျယ်ဝန်းပါတယ်။မွန်ပြည်နယ်၊ ကယားပြည်နယ်၊ ရန်ကုန်တိုင်းတို့က ကာတာ၊ ဂျမေကာ၊ လီဘနွန်၊ ဂမ်ဘီယာ နိုင်ငံတွေနဲ့ မတိမ်းမယိမ်း ရှိပါတယ်။

မွန်ပြည်နယ်ထဲက ရေးမြို့နယ်ဟာ (၂၇၂၀ ကီလိုမီတာ စကွဲ) ကျယ်ဝန်းတာမို့ ဟောင်ကောင် (Hong Kong)ထက် (၂)ဆကျော် ပိုမို ကျယ်ဝန်းပါတယ်။စင်ကာပူနိုင်ငံဟာ (၇၁၀ ကီလိုမီတာ စကွဲ) ကျယ်ဝန်းပြီး၊ မွန်ပြည်နယ်ထဲက ချောင်းဆုံးမြို့နယ် (ဘီလူးကျွန်း)က (၆၅၈ ကီလိုမီတာ စကွဲ) ကျယ်ဝန်းတာမို့ အကျယ်အဝန်းချင်း သိပ်မကွာပါ။မြန်မာနိုင်ငံဟာ အင်္ဂလန်နိုင်ငံထက် (၅)ဆ ပိုကျယ်ပါတယ်။
ဒါ့အပြင် မြန်မာနိုင်ငံဟာ အင်္ဂလန် (England), စကော့တလန် (Scotland), ဝေး (Wales) နှင့် မြောက်အိုင်ယာလန် (Northern Ireland) တို့ ပါဝင် ဖွဲ့စည်းထားတဲ့ ယူကေ (UK, United Kingdom) ထက်ကို ( ၂.၇ )ဆ ပို ကျယ်ဝန်းပါတယ်။
credit